Маңғыстауда түлектердің ата-аналары соңғы қоңырауды тойлауға үйді жасырын жалға алған

Маңғыстау облысында 25 мамырдан 26 мамырға қараған түні жүргізілген рейдтер барысында соңғы қоңырауды тойлауға тыйым салудың көптеген бұзушылығы анықталды, - деп хабарлайды Massaget.kz тілшісі "Lada.kz" сілтеме жасап.

Өткен тәулікте білім беру саласының 865 қызметкері рейдке шықты, оның ішінде 145 мектеп директоры, 180 тәрбие жұмысы жөніндегі орынбасар, 495 сынып жетекшілері бар. Құрамында психологтар мен әлеуметтік педагогтар, сондай-ақ 40-тан астам мемлекеттік қызметшілер бар топ таңға дейін жұмыс істеген.

Мәселен, Ақ желкен ауылында кезекшілік кезінде мұғалімдер түлектердің мектеп бітіргенін тойлау үшін үй жалдағанын анықтады. Түлектердің ата-аналары қатаң тыйым салынғанына қарамастан, соңғы қоңырауды тойлау үшін мүлікті жасырын түрде жалға алғаны белгілі болды. Яғни, тыйым мейрамханаларға ғана емес, жеке үйлерге де қатысты. Дегенмен түлектердің ата-аналары бұған дейін осы тыйыммен танысқаны туралы қолхат қалдырған.

Арнайы штаб мүшелері қайта түсіндіру жұмыстарын жүргізді.

"Ата-ана кәмелетке толмаған балаларының қауіпсіздігі үшін жеке жауап береді. Бұл сәттің барлығы талқыланды, сізге жауапкершілік туралы хабарланды, бірақ сіз өзіңіз келіскен келісімді елемейсіз. Барлық тыйым тек сіздің балаларыңыздың қауіпсіздігіне бағытталғанын түсіну қажет", - деп түсіндірді №15 орта мектептің директоры Асқар Досов.

Тағы да оқи отырыңыздар: Қазақстанда насыбай сатқандар қалай жазаланады?

Instagram парақшамызға жазылып, ең қызықты ақпараттарды бірінші болып оқыңыз!