Маңғыстау облысында мұнай-газ саласында миллиондаған қаржы қолды болған, - деп хабарлайды Massaget.kz тілшісі.
Былтыр мұнай-газ кәсіпорындарында тексеріс жүргізілген. Тексеріс нәтижелері бойынша Oil Transport Corporation ЖШС қызметінде жабдықты қабылдау кезінде заңбұзушылықтар анықталып, соталды тергеп-тексеру басталған.
Тергеу аясында 3 адам ұсталды, оның ішінде кәсіпорын мен мердігер компания басшылары да бар. Сот оларды кінәлі деп танып, әртүрлі жаза тағайындаған:
- Кәсіпорынның бас директорының орынбасары лауазымдық өкілеттігін теріс пайдаланып, ауыр зардаптарға әкеп соққан әрекеті үшін сотталды. Сот оған 3 жыл мерзімге бас бостандығын шектеу жазасын тағайындады.
- Мердігер компанияның екі өкіліне 2 жыл мерзімге бас бостандығын шектеу жазасын тағайындады.
Сотталғандар 250 млн теңге көлемінде шығынды өтеген. Үкім заңды күшіне енді.
Өзекті жаңалықтарды өз уақытында оқу үшін Facebook парақшамызға жазылыңыз!
Ж. Қадыржанова