Маңғыстау облысында Аташ жағажайы маңындағы Каспий теңізі акваториясынан майлы дақтар анықталды, - деп хабарлайды Massaget.kz тілшісі 24KZ-ке сілтеме жасап.
Экологтар аумақта мониторинг жүргізіп, теңіз суынан зертханалық сараптамаға сынама алған. Майлы дақтар анықталғаны туралы ақпарат 8 тамызда түскен. Осыған байланысты Маңғыстау облысы Экология департаментінің мамандары Аташ жағалауы мен оған іргелес Каспий теңізі акваториясын тексерген.
"Мониторинг барысында теңіз суынан сынама алынды. Ол зерттеуге жіберілді", - деді Экология департаменті өкілдері.
Қазір Аташ аумағында және оған іргелес теңіз акваториясында мониторинг жұмыстары жалғасып жатыр. Ведомство мамандары теңізде жұмыс істейтін кеме экипаждарына, сондай-ақ, айлақ иелеріне экологиялық талаптарды қатаң сақтау және мұнай өнімдері теңізге төгілуіне жол бермеу қажет екенін ескертті. Жағдай Экология департаментінің бақылауында.
Instagram парақшамызға жазылып, ең қызықты ақпараттарды бірінші болып оқыңыз!
Ж. Қадыржанова