Битум тиелген жүк көлігінің жол талғамайтын көлікпен соқтығысқан сәті видеоға түсіп қалды. Оқиғаның мән-жайын Маңғыстау облысының Мемлекеттік департаменті мәлімдеді, - деп хабарлайды Мassaget.kz.
Жол апаты 14 тамыз сағат 17:00-де республикалық маңызы бар Ақтау - Жаңаөзен тасжолында болған.
Полиция мәліметінше, HOFMANN GINDORF тіркемесі бар HOWO жүк көлігінің жүргізушісі рульді басқара алмай, алдымен темір қоршауды соғып, кейін Toyota Land Cruiser Prado көлігіне соғылған.
Зардап шеккендер жоқ. Жүк көлігінің жүргізушісіне ҚР ӘҚБтК-нің 610-бабы бойынша хаттама толтырылды.