• 500.67
  • 490.7
  • 6.04

Маңғыстау облысында қалың қарға батқан автокөлік иесі із-түзсіз жоғалып кеткен

Маңғыстау облысында қалың қарға батқан автокөлік иесі із-түзсіз жоғалып кеткен
Фото: mangystaumedia.kz

Маңғыстау облысының Жетібай-Жаңаөзен бағытының 66 шақырымында автокөлігі қарға батып, өзі жоғалып кеткен көлік иесі табылған, - деп хабарлайды Massaget.kz тілшісі mangystaumedia.kz сайтына сілтеме жасап.

18 ақпанда сағат таңертеңгі 08:25 шамасында "Тасболат Ойл Корпорэйшн" ЖШС мекемесінен солтүстік-батысы бағытында бір ер азаматтың автокөлігі қарға батып қалып, өзі белгісіз бағытқа қарай жүріп, жоғалып кеткен.

"Төтенше жағдайлар департаментінің авариялық құтқару қызметкерлері іздестіру жұмыстары барысында түскі сағат 12:30-да көліктен 14 шақырым жерге ұзап кеткен С. есімді азаматты тапты. Азамат 1964 жылы туған. Көлік иесі оқиғадан соң аман-сау өз үйіне оралған", - делінген хабарламада.

Жетібай-Жаңаөзен тас жолының 35 шақырымында қарға батып қалған "TоyotaHilux" маркалы автокөлігіне құтқарушылар қызметі көмек көрсетіп, көлікті қар құрсауынан шығарған.

Өзекті жаңалықтарды өз уақытында оқу үшін Facebook парақшамызға жазылыңыз!

А. Жайыққызы
Logotype Massaget