Маңғыстау облысында экологияға зиян тигізген компания қомақты айыппұл арқалады

Фото: Tengrinews.kz

19 тамыз 2024, 11:33

Маңғыстау облысында экологияға зиян тигізген компанияға 7,8 миллион теңге айыппұл салынды, - деп хабарлайды Massaget.kz тілшісі.

Облыста Табиғат қорғау прокуратурасы талдау барысында экологиялық заңнаманың бұзылғанын анықтаған.

Атап айтқанда, жер қойнауын пайдаланушы "Жалғызтөбемұнай" ЖШС 2024 жылдың 1-11 қаңтар аралығында экологиялық рұқсатсыз мұнай және ілеспе газ өндіруді жүзеге асырған.

Прокурорлық қадағалау актісімен аталған мекеме Қазақстан Республикасының Әкімшілік құқық бұзушылық туралы кодексінің 328-бабының 1-бөлігі бойынша әкімшілік жауаптылыққа тартылды.

Айыппұл сомасы - 7,8 миллион теңге.

Қызықты жаңалықтар мен видеоларды көру үшін TikTok арнамызға жазылыңыз!

С. Сатыбалдина