Ішкі істер министрлігінің әкімшілік полиция комитетінің төрағасы Қайсар Сұлтанбаев қазақстандықтарға үндеу жасады, - деп хабарлайды Massaget.kz тілшісі Polisia.kz-ке сілтеме жасап.
"Жолдағы тәртіп бұл тек ереже емес, бұл - адамның өмірі. Әрқайсымыз - жүргізуші, жаяу жүргінші, ата-ана бұған жауаптымыз. Себебі жолда әр адамның артында тұтас отбасы, жақындары, тағдыры тұр. Соңғы жылдары елімізде жол апаты салдарынан болған адам шығының саны екі есеге азайды. Бұл - қоғамның ортақ нәтижесі. Бірақ біздің түпкі мақсат - адам өлімін мүлде болдырмау. Бір де бір жан жолда қаза таппауға тиіс", - деді ол.
Қайсар Сұлтанбаев маңызды қағидаларды еске салды:
- жылдамдықты асырмаңыз;
- мас күйде көлік жүргізбеңіз;
- жастарға үлгі болыңыз;
- өзге жүргізушілерге және жаяу жүргіншілерге құрметпен қараңыз.
"Тәртіп - бұл шектеу емес, бұл қорған. Ол сізді және сіздің жақындарыңызды сақтайды. "Заң мен тәртіп" қағидаты жай ұран емес, бұл - әр азаматтың қауіпсіздігіне негіз болатын өмір салты. Заңға құрмет - қоғамға құрмет. Қауіпсіз жол - ортақ жауапкершілік. Әркім өз үлесін қосса, біз әрбір жолды шынымен қауіпсіз ете аламыз", - деді Қайсар Сұлтанбаев.
Қызықты жаңалықтар мен видеоларды көру үшін TikTok арнамызға жазылыңыз!
С. Бөлек