Іле ауданын алты жыл басқарған әкім Бағдат Қарасаев ұсталды
Фото:
instagram.com/bagdat.karasaev
Алматы облысында Іле ауданының әкімі Бағдат Қарасаев ұсталды, - деп хабарлайды Massaget.kz тілшісі.
Антикор қызметкерлері әкімді 3 қыркүйекте ұстаған. Қарасаев қылмыстық кодекстің 361-бабы (Лауазымдық өкiлеттiктерді теріс пайдалану) және 362-бабы (Билiктi немесе лауазымдық өкiлеттiктерді асыра пайдалану) бойынша күдікке ілінген.
Бағдат Қарасаев уақытша ұстау изоляторына қамауға алынған.
Айта кетейік, Бағдат Қарасаев Іле ауданын 2018 жылдың қыркүйегінен бері басқарып келе жатыр. Бұған дейін Алматы облысы әкімінің кеңесшісі қызметін атқарған.
Қызықты жаңалықтар мен видеоларды көру үшін TikTok арнамызға жазылыңыз!
С. Сатыбалдина