Іле Алатауында адасып кеткен үш жігіт аман-есен табылды
![Іле Алатауында адасып кеткен үш жігіт аман-есен табылды](/userdata/news/news_115186/image_l.jpg)
Фото:
ТЖМ
Іле Алатауда адасып кеткен үш жігіт аман-есен табылды, - деп хабарлайды Massaget.kz тілшісі.
Бұл туралы ТЖМ баспасөз қызметі хабарлады.
Алматы облысында 1998, 2001 және 2004 жылы туған үш жігіт тауға шығып, қараңғыда "Лесной" асуынан төмен түскен кезде адасып кеткен. Олар құтқарушылардан көмек сұрауға мәжбүр болған.
"ТЖМ Республикалық жедел-құтқару жасағының құтқарушылары таулы жерлермен екі сағатта жоғалғандарға жетіп, жігіттерді төмен қарай, туыстары күтіп тұрған жерге түсірді. Оларға медициналық көмек қажет болмады", - делінген хабарламада.
Өзекті жаңалықтарды өз уақытында оқу үшін Facebook парақшамызға жазылыңыз!
С. Сатыбалдина