Лагерьге тегін жолдаманы қалай алуға болады?

Кейінгі бірнеше жылда демалыс күндері сауықтыру лагерьлерінде демалуға мүмкіндік беру Қазақстандағы мемлекеттік саясаттың басым бағыттарының біріне айналды. Жеңілдікпен берілетін жолдамаларды қаржыландырудың арқасында еліміздің мектеп оқушылары оқу жылынан кейін уақытын пайдалы өткізіп, демалуға мүмкіндік алды. Tengrinews.kz тілшісі лагерьге тегін жолдама алу үшін қалай тапсырыс беру керегін және қандай құжаттар қажет екенін анықтады, - деп хабарлайды Massaget.kz тілшісі.

Кімдер тегін жолдама алуға құқылы?

Білім министрлігі Tengrinews.kz сауалына берген жауабында жазғы демалысқа тегін жолдамаларды мына санаттағылар ала алатынын айтты:

• мемлекеттік атаулы әлеуметтік көмек (АӘК) алуға құқығы бар отбасылардан, сондай-ақ, жан басына шаққандағы орташа табысы ең төменгі күнкөріс деңгейінен төмен (2024 жылы - 43 407 теңге) мемлекеттік атаулы әлеуметтік көмек алмайтын отбасылардан шыққан мемлекеттік білім беру мекемелерінің білім алушылары мен тәрбиеленушілері;
• жетім балалар;
• ата-анасының қамқорлығынсыз қалған балалар;
• ТЖ салдарынан шұғыл көмек талап ететін отбасылардан шыққан балалар;

Ведомствода тегін жолдамалар берілетін "білім алушылар мен тәрбиеленушілердің өзге де санаттары да" барын айтты. 

Жолдаманы алу үшін қайда жүгіну керек?

"Мемлекеттік білім беру мекемелерінің білім алушылары мен тәрбиеленушілерінің жекелеген санаттарына қала сыртындағы және мектеп жанындағы лагерьлерде демалыс беруге арналған құжаттарды қабылдау және жолдамалар беру" мемлекеттік қызметін алу үшін жеке тұлғалар облыстардың, республикалық маңызы бар қалалардың, астананың білім басқармаларына, аудандардың, облыстық маңызы бар қалалардың білім бөлімдеріне, білім беру ұйымдарына, сондай-ақ, "Азаматтарға арналған үкімет" Мемлекеттік корпорацияға немесе "электрон үкіметтің" веб-порталы арқылы өтініш береді", - деді ведомство өкілдері. 

Қандай құжаттар қажет?

Лагерьде демалу құқығын алу үшін мынадай құжаттарды ұсыну қажет:

• өтініш;
• ата-анасының немесе қамқоршысының жеке басын куәландыратын құжат немесе цифрлық құжаттар сервисінен электрон құжат;
• баланың туу туралы куәлігі электрон түрде немесе оның қағаз көшірмесі;
• неке қию немесе бұзу туралы куәліктің көшірмесі;
• № 071/е нысанына сәйкес сауықтыру лагеріне кететін оқушыға медициналық анықтама;
• мәртебені растайтын құжаттың көшірмесі. 

Өтінімдерді өңдеу уақыты

"Азаматтарға арналған үкімет" мемлекеттік корпорациясы (МКК) арқылы құжаттарды қабылдау кезінде көрсетілетін қызметті алушыға тиісті құжаттардың қабылданғаны туралы қолхат беріледі.

"Е-gov" порталы арқылы жүгінген жағдайда көрсетілетін қызметті алушының жеке кабинетінде мемлекеттік қызмет көрсетуге сұрау салудың қабылданғаны туралы мәртебе, сондай-ақ, мемлекеттік көрсетілетін қызмет нәтижесін алу күні мен уақыты көрсетілген хабарлама көрсетіледі.

Құжаттарды қарау және жолдаманы алу немесе мемлекеттік қызметті көрсетуден бас тартудың жалпы мерзімі - 5 жұмыс күні.

Қанша бала жолдама алады?

Қазақстан Республикасының Оқу-ағарту министрлігі 1-10 сыныптардағы 2,9 миллион оқушыны әртүрлі іс-шараларды қамтитын жазғы сауықтыру және дамытудың кең ауқымды бағдарламасымен қамтуды жоспарлап отырғанын хабарлады.

Қызықты жаңалықтар мен видеоларды көру үшін TikTok арнамызға жазылыңыз!