“Қызылордада оқушы секс құлдыққа түскен“: сот үкімі шықты

Қызылорда облысында бопсалау және кәмелетке толмаған қызды жезөкшелікпен айналысуға тарту туралы іс бойынша үкім шықты, - деп хабарлайды Massaget.kz тілшісі.

Қызылорда облысының кәмелетке толмағандардың істері жөніндегі мамандандырылған ауданаралық сотында кәмелетке толмағандарға қатысты іс қаралды. Оларға ҚР ҚК 194-бабы (ірі мөлшерде пайда табу мақсатында қорқытып алушылық), 110-бабы (көрінеу кәмелетке толмаған адамға қатысты азаптау), 134-бабы (кәмелетке толмағанды жезөкшелікпен айналысуға тарту) бойынша айып тағылды.

Жабық сот отырысы

ҚПК-нің 29-бабының талаптарына сәйкес бұл іс жабық сот отырысында қаралды.

Дәлелдер

Сотталушылардың кінәсі оқиға орнын, заттар мен құжаттарды қарау хаттамаларымен, бейнежазбалармен, WhatsApp арқылы хат-хабарлармен, ақша аударымдарымен, сараптама нәтижелерімен, сондай-ақ, жәбірленушінің жауабымен дәлелденген.

Прокурордың ұстанымы

Прокурор сотталушыларға мынадай жаза сұрады: 

• Б.А.-ны 4 жыл 6 ай мерзімге бас бостандығынан айыру;
• Т.Ұ .и Қ.А.-ны 4 жыл мерзімге бас бостандығынан айыру;
• Т.А., Б.А. и Т.Д.-ны 8 жыл мерзімге бас бостандығынан айыру.

Сот шешімі

Сот жаза тағайындау кезінде сотталушылардың жазасын жеңілдететін мән-жайлар ретінде олардың кәмелет жасына толмағанын, сонымен қатар, сотталушылар Т.Ұ. және Қ.А. жасаған істеріне шын жүректен өкінетінін ескерді.

• Сотталушы Б.А.-ға 4 жыл 8 айға бас бостандығынан айыру жазасы тағайындалды.
• Сотталушылар Т.Ұ. және Қ.А.-ға 4 жыл 8 айға бас бостандығынан айыру жазасы тағайындалды.
• Сотталушылар Т.А., Б.А. және Т.Д.-ға 7 жыл 6 айға бас бостандығынан айыру түріндегі жаза тағайындалды.
• Кәмелетке толмағандар М.Н., А.Ж., Қ.Д.-ға 6 жыл 8 ай бас бостандығынан айыру түріндегі жаза тағайындалды.

Үкім заңды күшіне енген жоқ.

Айта кетейік, 2024 жылы жазда Қызылорда облысында секс құлдыққа түскен оқушы жантүршігер оқиғаларды баяндап, бұл іске сыныптастарының қатысы барын жеткізді. 16 жастағы қыздың сұмдық әңгімесін НеМолчи.kz қоры жариялаған еді.

Instagram парақшамызға жазылып, ең қызықты ақпараттарды бірінші болып оқыңыз!