Қызылордада мектепте 9 жастағы қызға шкаф құлап кетті
![Қызылордада мектепте 9 жастағы қызға шкаф құлап кетті](/userdata/news/news_82486/image_l.jpg)
Қызылордада мектепте 9 жастағы қызға шкаф құлап кетті, - деп хабарлайды Massaget.kz тілшісі.
Қызылордадағы жекеменшік мектепте төртінші сынып оқушысына шкаф құлады. Қыз түрлі жарақаттармен ауруханаға түсті. Әлеуметтік желілерде зардап шеккен қыздың анасының үндеуі пайда болды.
"Қызыма сыныпта шкаф құлап кетті. Қазір ол көпсалалы облыстық балалар ауруханасында ауыр жағдайда. Мектеп әкімшілігінен адамдар келді, арызды қайтарып алсаңдар, материалдық көмек көрсетеміз деді. Бірақ біз бас тарттық. Қызымыздың жағдайы ауыр, оны қалпына келтіруге қанша уақыт пен қаражат кететінін де білмейміз. Дәрігерлер де кепілдік бермейді, сондықтан бәрін заң аясында шешу керек деп ұйғардық. Сондай-ақ облыстық прокуратураға арыз жаздық. Ол жауапсыз қалмайды, кінәлілер жазаланады деп үміттенеміз", - деп жазды әйел әлеуметтік желілерде.
Зардап шеккен қыздың әкесінің айтуынша, бәрі сыныпта болған. Күтпеген жерден құлаған шкафтың маңында оның қызы мен тағы бірнеше бала тұрған. Оның қызынан басқаларының бәрі шетке қашып үлгерген.
"Шкаф өте үлкен және ауыр. Бірақ ештеңеге бекітілмеген. Мектеп басшылығы қызымды оңалтуға көмектессін", - деді зардап шеккен мектеп оқушысының әкесі.
Қалалық білім бөлімі өкілдері болған оқиғаны растады.
"Бүгінде зияткерлік мектептің басшылығы зардап шеккен балаға көмек көрсетеді. Болған оқиғаға байланысты қалалық полиция басқармасы тергеу жүргізіп жатыр", - деді Білім бөлімі өкілі.
Облыстық көпсалалы балалар ауруханасында қыздың ауыр жағдайда түскені айтылды.
Полиция Қылмыстық кодекстің 140-бабы 2-бөлігі бойынша тергеуді бастады.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
Ж. Қадыржанова