Қызылордада жезөкшелікпен айналысқан үш ер адам ұсталды
![Қызылордада жезөкшелікпен айналысқан үш ер адам ұсталды](/userdata/news/news_71866/image_l.jpg)
Қызылордада жезөкшелікпен айналысқан үш ер адам есепке алынды, - деп хабарлайды Polisia.kz басылымы.
Қызылорда облысының Полиция департаменті 7-9 қыркүйек аралығында "Stop-трафик" жедел-профилактикалық іс-шарасын өткізді. Шара барысында адам саудасына байланысты 4 қылмыс тіркелгені анықталды. Оның ішінде біреуі жезөкшелікке, үшеуі жеңгетайлыққа қатысты болып отыр.
"Аталған шара барысында 1 адам жеңгетайлықпен айналысқаны үшін жауапқа тартылды. Ал 10 адам жезөкшелікпен айналысқаны үшін есепке алынса, олардың үшеуі ер адам екені белгілі болды. Сондай-ақ, ҚР Әкімшілік құқық бұзушылық туралы кодексінің 450-бабымен жезөкшелікпен айналысуға үй-жайды ұсынғаны үшін 4 азамат анықталып, әкімшілік жауапқа тартылды", - деп мәлім етті Қызылорда облыстық Полиция департаментінен.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
Г. Досымшалова