Қызылордада бір топ жасөспірім жігітті соққыға жыққан. Әлеуметтік желіде оқиғаның видеосы тарады, - деп хабарлайды Massaget.kz тілшісі.
Желідегі мәліметке сүйенсек, оқиға 18 ақпанда кешкі сағат 21:00 шамасында болған. Бірнеше жасөспірім бір адамды жабылып соққыға жыққаны айтылды.
Қызылорда облысы Полиция департаменті мәліметінше, бұзақылық дерегі бойынша қылмыстық іс қозғалған.
"Оқиғаға қатысушылар жедел түрде анықталып, полицияға жеткізілді. Қазір болған оқиғаның барлық мән-жайын жан-жақты, толық анықтауға бағытталған тергеу жүргізіліп жатыр", - деді өңір полициясы.
Тергеу қорытындысы бойынша процессуалдық шешім қабылданбақ. Қылмыстық істі тергеу барысы Полиция департаменті басшылығының бақылауында.
Instagram парақшамызға жазылып, ең қызықты ақпараттарды бірінші болып оқыңыз!