Қызылордада прокурорлар бюджет қаражатын жымқыру дерегін анықтады, - деп хабарлайды Massaget.kz тілшісі.
Оқиғаның мән-жайы
Қызылорда облысының прокуратурасы бюджет қаражатын жұмсаудың заңдылығы мен тиімділігіне талдау жүргізді.
Нәтижесінде "Дарын" облыстық қосымша білім беру орталығының бас есепшісі іс-сапар мен жалақыға көзделген 50 млн теңге бюджет қаражатын өзінің жеке есеп шотына заңсыз аударып алғаны анықталған.
Бас прокуратура пікірі
"Бұл дерек бойынша облыс прокуратурасы ҚР ҚК-нің 189-бабы 4-бөлігінің 2) тармағымен қылмыстық істі тіркеді", - деп жазылған хабарламада.
Бас прокуратура ҚР ҚПК-нің 201-бабының талаптарына сәйкес өзге ақпаратты жарияламады.
Аптаның басты оқиғалары мен пайдалы видеоларды көру үшін YouTube арнамызға жазылыңыз
Ж. Қадыржанова