Қызылордада 17 жастағы қыз көпірден секіріп кетті

14 желтоқсан 2022, 06:45

Қызылордада 17 жастағы қыз қаладағы аспалы көпірлердің бірінен секіріп, оқиға орнында қаза болды, - деп хабарлайды "Астана" телеарнасы.

Телеарна мәліметінше, оқиға түнгі он шамасында болған.

"Аталған дерек бойынша ҚР ҚК 105-бабының 1-бөлігімен, яғни өзін-өзі өлтіруге дейін жеткізу дерегі бойынша соталды тергеп-тексеру амалдары басталды. Тиісті сараптамалар тағайындалды. Оқиғаның мән-жайы анықталып жатыр", - дейді Қызылорда облыстық полиция басқармасы тергеу бөлімі басшысының орынбасары Әуелхан Құдайберген.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!

Г. Досымшалова