Қызылорда облысының тұрғыны ауылдасының қысқа деп жинаған мың бума жоңышқасын өртеп жіберді
![Қызылорда облысының тұрғыны ауылдасының қысқа деп жинаған мың бума жоңышқасын өртеп жіберді](/userdata/news/news_91519/image_l.jpg)
Қызылорда облысы полиция департаментінің Жалағаш аудандық полиция бөліміне Темірбек Жүргенов ауылының тұрғынынан арыз түсті. Онда мал қорада тұрған мың бума жоңышқа шөбін бейтаныс біреудің өртеп жібергені туралы айтылған, - деп хабарлайды Massaget.kz тілшісі polisia.kz-ке сілтеме жасап.
Қыс мезгіліне алдын ала дайындалған ауыл тұрғынына келтірілген шығын көлемі шамамен – 1 миллион теңге. Аудандық тәртіп сақшылары мұны істеді деген күдікпен сол ауылдың 29 жастағы тұрғынын ұстады.
Аталған дерек ҚР Қылмыстық кодексінің 202-бабының 2-бөлігі бойынша тіркеліп, қазір тергеп-тексеру амалдары жүргізіліп жатыр, тиісті сараптамалар тағайындалды. Оқиғаның мән-жайы анықталып жатыр.
Аптаның басты оқиғалары мен пайдалы видеоларды көру үшін YouTube арнамызға жазылыңыз
М. Лұқпан