Қызылорда облысында балабақшада 21,5 миллион теңге бюджет қаражатын жымқыру дерегі бойынша тергеу басталды, - деп хабарлайды Massaget.kz тілшісі.
Мән-жайы
Қазалы ауданында балабақша есепшісі өзіне жоғары жалақыны заңсыз төлеу арқылы 21,5 миллион теңгеден аса бюджет қаражатын жымқырды деген күдікке ілінген.
Прокуратура жүргізген талдау нәтижесінде балабақша есепшісі 4 жыл ішінде өзінің банк шоттарына штаттық кесте бойынша бекітілген жалақыдан жоғары мөлшерде қосымша қаражатты негізсіз аударғаны анықталған.
Тергеу басталды
Бұл дерек бойынша аудан прокуратурасы Қылмыстық кодекстің 189-бабы 4-бөлігі 2) тармағы ("Аса ірі мөлшерде сеніп тапсырылған бөтен мүлікті иемдену") бойынша соталды тергеп-тексеруді бастаған.
Қылмыстық іс тергеп-тексеру үшін Қызылорда облысы бойынша экономикалық тергеп-тексеру департаментіне жолданады.
Қызықты жаңалықтар мен видеоларды көру үшін TikTok арнамызға жазылыңыз!
Ж. Қадыржанова