Танымал қазақстандық продюсер Баян Алагөзова отбасымен демалысқа аттанды. Желіде қыздарымен түскен ерекше суреттерін бөлісіп, жұртты сүйсінтті, - деп хабарлайды Massaget.kz тілшісі.
Жарияланған жазбадан продюсердің Айару және кіші қыздарының бірімен Дубайдың шуақты аспанында бассейнде шомылып жүргенін байқауға болады.
Кәсіпкер Тұрсенғали Алагөзовтің жұбайы жүктеген суреттерінің жазбасын қысқа қайырды. Ол онда "қыздарым" деп жазды.
Пікір қалдырушылар жаңа фотосуреттерге жылы лебіздерін жаудырды.
"Сондай тәтті!", "Балапандарыңыз аман-есен, ақылды, әдемі қыздар болып өсе берсін!", "Тағы бір қызыңыз қайда?", "Қандай күшті!", - деген пікірлер кездеседі.
Баян Алагөзова - Қазақстанның танымал продюсері, актриса, тележүргізуші. Ол еліміздегі шоу-бизнес және киноиндустрияның дамуына зор үлес қосқан тұлғалардың бірі.
Еске салайық, 2024 жылдың 5 тамызында күтпеген жерден Баян Алагөзова үшінші рет ана атанғанын жариялаған болатын. Ал 19 тамызда продюсер төртінші қызы Алманың дүниеге келгенін хабарлады.
Аптаның басты оқиғалары мен пайдалы видеоларды көру үшін YouTube арнамызға жазылыңыз