Қытайдың Хунань провинциясының Чанша қаласында 16 қыркүйекте China Telecom мемлекеттік телекоммуникациялық компаниясының кеңсесі орналасқан 44 қабат ғимаратта өрт шықты. Жергілікті БАҚ мәліметінше, 20 минут ішінде өрт екі жүз метрлік ғимаратты шарпыған, - деп хабарлайды Massaget.kz тілшісі China Huanqiu-ға сілтеме жасап.
Әзірге зардап шеккендер туралы ақпарат айтылмаған, бірақ алдын-ала ақпарат бойынша ондаған адам болуы мүмкін. Кейбір мәліметтер бойынша мұнарада сервер үшін 35 тонна отын сақталғаны айтылады, бұл үлкен ғимараттың бірнеше минут ішінде өртенгеніне себеп бола алуы мүмкін.
Өртсөндірушілер өртті сөндірген. Ғимараттың қаншалық бүлінгені туралы мәлімет жоқ, бірақ жергілікті ақпарат агенттіктері өкілдері ғимараттың жоғары жағы жанып кеткенін айтады.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!