Қазақстанға түрлі елдерден келетін туристер саны артып келеді. Туризм министрлігі қай елдердің азаматтары жиі келетінін және қай өңірлер танымал екенін айтты, - деп хабарлайды Massaget.kz тілшісі.
Ведомство дерегінше, 2025 жылдың қаңтар–қыркүйек айларында Қазақстанға туристік мақсатпен 12,1 миллион шетел азаматы келген. Бұл былтырмен салыстырғанда 730 мыңға көп.
Соның ішінде 8,6 миллион адам елде бір күннен артық болған - дәл осы санат шетелдік туристер ретінде есептеледі.
Қонақүйлер, отельдер және басқа да орналастыру орындарының қызметін шамамен 1 миллион шетелдік пайдаланған. Ішкі туризм де өсіп келеді: осы кезеңде 6,7 миллион қазақстандық қонақүйлер мен қонақүй типтес орындарға тоқтаған.
ҰҚК Шекара қызметінің мәліметі бойынша, 2025 жылдың 9 айында Қазақстанға 12,1 миллионнан аса шетелдік кірген - бұл былтырмен салыстырғанда 730 мыңға көп. Әсіресе ТМД-ға кірмейтін елдерден қызығушылық айқын артқан.
Туристер саны бойынша ТОП-5 ел:
ҚХР-дың 693 мыңнан аса азаматы Қазақстанға келген. Өсім 42%. Сарапшылар мұны визасыз режиммен, жаңа тікелей рейстердің ашылуымен және Қазақстанның қытай туристік нарығында белсенді дамуымен байланыстырады.
Қаңтар–қыркүйекте Қазақстанға Үндістаннан шамамен 113 мың турист келген. Ал былтыр келегн қонақ саны 106 мың болған.
Қазақстанға Түркиядан 103 мыңнан аса турист келген. Туристік ағым тұрақты әуе рейстері, сондай-ақ елдер арасындағы іскерлік және мәдени байланыстар арқасында өсіп отыр.
2025 жылдың 9 айында Германиядан 81 мыңнан аса азамат келген. Туристерді табиғат, этнотуризм және тарихи-мәдени нысандар тартады.
Туристер ағыны 25% өсіп, 41,3 мыңнан асты. Бұған себеп - тікелей әуе рейстері, визасыз режим, сондай-ақ Қазақстанның табиғатына, мәдениетіне және ұлттық асханасына қызығушылық.
Шетелдік туристер көбіне мына бағыттарға сапарлайды:
eQonaq жүйесінің дерегіне сәйкес, шетелдік қонақтар көбіне ірі қалалар мен өңірлерді таңдап, сол жерлерде тоқтаған. ТОП-та:
Бұған дейін шотландиялық саяхатшы Росс Дженнингс Қазақстанға сапары туралы әсерін бөліскен еді. Ол қарашаның басында Алматыға келіп, сапары керемет өткенін айтқан.
Кейбір қонақтар одан әрі қадам жасап, Қазақстанды тек саяхат үшін емес, өмір сүру үшін де таңдайды. Мәселен, америкалық Франсуа Марк Оңтүстік Кореяда 15 жыл тұрғаннан кейін Көкшетауда қалуды шешкен. Оның айтуынша, елді атмосферасы және табиғатқа жақындығы тартыпты.
Өзекті жаңалықтарды өз уақытында оқу үшін Facebook парақшамызға жазылыңыз!