Қыста көлік өртенбеуі үшін не істеу керек?

Қыста көлік өртену оқиғалары жиі тіркеледі. Төтенше жағдайлар министрлігі азаматтарға кеңес берді, - деп хабарлайды Massaget.kz тілшісі.

Ведомство көлікті өрттен қорғау үшін көлік иелеріне мына шарттарды орындау қажет екенін еске салады:

• техникалық байқаудан уақытында өткізіңіз;
• электрониканы тек мамандандырылған орталықтарда орнатыңыз;
• әрқашан жарамды өртсөндіргішті көлік салонында ұстаңыз;
• қозғалтқыштың отын аппаратурасының жарамдылығын бақылаңыз;
• көлікте бөгде, тез тұтанатын заттарды ұстамаңыз;
• жанар-жағармай материалдарын тек герметикалық ыдыстарда тасымалдаңыз.

Еске салайық, бұған дейін Шымкентте газ жабдығы орнатылған көлік өртенгені хабарланды. 16 желтоқсанда Қонаев даңғылында газ жабдығы орнатылған Audi A6 көлігінің мотор бөлігінен өрт шыққан.

Өртсөндірушілердің жедел әрекеттерінің арқасында өрт 23 минут ішінде толық сөндірілген.

Өзекті жаңалықтарды өз уақытында оқу үшін Facebook парақшамызға жазылыңыз!