Қыс маусымында Ақтөбе облысының жолдарын қардан тазалауға 146-дан астам техника тартылды

Ақтөбе облысының әкімі Асхат Шахаровтың төрағалығымен өткен аппарат мәжілісі барысында жолдарды қыста күтіп-ұстау мәселесі қаралды.

Автожолдарды басқарудың ұлттық операторының ақпараты бойынша республикалық маңызы бар автожолдардың ұзындығы 1869 шақырым, оның ішінде 117 шақырымында қайта жаңарту жұмыстары жүргізіліп жатыр. Ақтөбе-Астрахан және Самара-Шымкент жолдарын қыста күтіп-ұстап, қардан тазартуға барлығы 31 арнайы техника тартылды. Сондай-ақ 1700 тонна құм және 300 тонна көктайғаққа қарсы материалдар дайындалған. Сонымен қатар егін жинау жұмыстарына 115 бірлік жалға алынған техника тартылып, тағы 34 арнайы машинаны жалға алу бойынша тендерлік рәсімдер жүргізілуде.

Жол бойында 51 кереуеті бар 15 жылыту пункті орналасқан.

Облыста республикалық маңызы бар автожолдарда 246 шақырым қар басатын учаскелер бар. Бұл орындарда ұзындығы 86 шақырым темірбетон қоршаулар орнатылған. Қалған учаскелерде уақытша ағаш қалқандар қойылады және қар тазалау жұмыстары жүргізіледі.

"Ақтөбе-Хромтау-Қарабұтақ учаскесіндегі жол қозғалысының қарқынын ескере отырып, қысқы кезеңде кептелістерді болдырмау үшін Хромтау және Қарабұтақ ауылдарында 34 км айналма жол дайындалуда. Самара-Шымкент автожолының 844-863 шақырым учаскесінде трассаға шығатын ұзындығы 23 км үш айналма жол қарастырылған. Әйтеке би ауданында жалпы ұзындығы 11 шақырымды құрайтын 963-966 шақырым және 983-985 шақырым автожол учаскелерінде айналма жол салынды", - деді автожолдарды басқарудың ұлттық операторының өкілі Айбол Данағұл.

Өз кезегінде жолаушылар көлігі және автомобиль жолдары басқармасының басшысы Айбек Қайыр жергілікті жолдардың қыс мезгіліндегі күтімі туралы баяндады. Бұл жұмысқа 43 мердігер жауапты.
Облыстың жергілікті автомобиль жолдарының ұзындығы 4,4 мың км, олар 174 учаскеге бөлінген: 13 учаске - облыстық маңызы бар, 161 учаске аудандық маңызы бар.

Бұл жолдарды жинауға 401 техника жұмылдырылып, 5,4 мың тонна инертті материалдар, 2,8 мың тонна дизель отыны әзірленді.

Басшының айтуынша, жолдарды тазарту және құм-тұз қоспасын себу үнемі жүргізіліп тұрады. Бұл мәселе аймақтық жолдарды күтіп-ұстауға жауапты мердігерлік ұйымдардың тұрақты бақылауында.

Баяндамашыларды тыңдаған облыс әкімі жолдарда, әсіресе қозғалыс қарқындылығы жоғары учаскелерде уақытылы жұмыс істеуді қамтамасыз ету үшін қар жинайтын арнайы техниканың санын көбейтуді, қар көшкіні мен көктайғаққа ұшыраған учаскелердің жай-күйін бақылауда ұстауды, туындайтын проблемаларды жедел шешу үшін мердігерлік ұйымдар, жол қызметтері мен жергілікті билік арасындағы өзара іс-қимылды күшейтуді тапсырды.

Ақтөбе облысының әкімдігі ұсынған материал

Қызықты жаңалықтар мен видеоларды көру үшін TikTok арнамызға жазылыңыз!