Қырғызстанда Қазақстан азаматы қайтыс болды

Қырғызстанда аудандық ауруханада Ыстық-көлде ауыр жарақат алған Қазақстан азаматы қайтыс болды, - деп хабарлайды Massaget.kz тілшісі 24.kg сайтына сілтеме жасап.

15 шілдеде полицияға 42 жастағы Қазақстан азаматы ауруханаға түскені туралы хабар түскен. Ер адам Қара-Ой ауылындағы демалыс орталықтарының бірінің жағажайында ауыр жарақат алған. Ер адам қайықтың астында қалған. 

Бұл дерек тіркеліп, тергеуге дейінгі шаралар басталған. Қайық иесі - 32 жастағы жергілікті тұрғын, құралды 18 жастағы жігіт басқарған. 

16 шілдеде қазақстандық азамат қайтыс болған. Өлімнің себебін анықтау үшін сот-медициналық сараптама тағайындалды. 

Бұл дерек бойынша қылмыстық іс қозғалды. 

Аптаның басты оқиғалары мен пайдалы видеоларды көру үшін YouTube арнамызға жазылыңыз