Қырғызстанда қатты аяз: Бішкек көшелерінде шамдар өшіріледі
![Қырғызстанда қатты аяз: Бішкек көшелерінде шамдар өшіріледі](/userdata/news/news_77395/image_l.png)
Қырғызстанда қатты аяз, сондықтан Бішкекте энергия жүйесіне жүктемені азайту үшін көшелерде шамдар өшіріледі, - деп хабарлайды 24.kg.
Бішкек қалалық әкімдігі мәліметінше, қатты суыққа байланысты электр энергиясын тұтыну көлемі айтарлықтай артқан. Бұл электр желісінің жабдықтарында шамадан тыс жүктеме болуына әкеп соққан.
"Ірі апаттарды, энергия жабдықтарының істен шығуын болдырмау үшін көше жарығынсыз түнгі уақытта жол апаттарының қаупін ескере отырып, ең жоғары жүктеме сағаттарда жарық өшіріледі", - делінген хабарламада.
Бульварлар, саябақтар, скверлер мен веложолдар жарықсыз қалады.
Айта кетейік, бұған дейін Энергетика министрлігі Қырғызстанда жарық сөндірілгенін растаған болатын. Ведомство мәліметінше, 1-1,5 сағат бойы электр қуатын өшірмесе, трансформаторлар істен шығуы мүмкін.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
Ж. Қадыржанова