Қазақстандық атақты мобилограф, кәсіпкер Қыран Талапбек шетелде танымал футболшымен кездескен суретін жариялады, - деп хабарлайды Massaget.kz тілшісі.
Ол бразилиялық футболшы Роналдиньомен бірге түскен суретін әлеуметтік желідегі парақшасына салды.
Мобилограф Дубайға жұмыс бабымен барғанын айтты. Сонымен қатар спортшының саяси көзқарасы туралы пікірін де жеткізді.
"Балалық шағымның аңыз адамы. Израильдегі соғысты қолдайды дегендерге айтарым: Ол аузын жапса, бәрі тоқтап, соғыс бітіп қала ма?", - деп жазды ол желіде.
Ал әлеуметтік желі қолданушыларының пікірі әдеттегідей екіге бөлінді. Танымал футболшымен кездескен Қыран Талапбекті біреулер "бақытты, жолы болғыш адамға" теңеп жатса, енді біреулер футболшының саяси көзқарасы үшін оны сыйламайтынын жазған.
Еске салайық, жақында мобилограф Қыран Талапбек Әзербайжан президентінің аккаунтына видео түсіріп берген болатын.
Өзекті жаңалықтарды өз уақытында оқу үшін Facebook парақшамызға жазылыңыз!