Қылмыстық топ Қазақстан аумағында заңсыз алтын өндіріп, жалған зергерлік бұйымдар жасаған

Астанада алтынды заңсыз өндіргені үшін ұйымдасқан қылмыстық топ қатысушылары сотталды, - деп хабарлайды Massaget.kz тілшісі.

Бүгін Астананың қылмыстық істер жөніндегі мамандандырылған ауданаралық сотында Ақмола облысында алтынды заңсыз өндірумен айналысқан адамдар тобына қатысты қылмыстық істі қарау аяқталды.

"Көлік прокуратурасының мемлекеттік айыптаушысы сотта ұйымдасқан қылмыстық топтың 12 қатысушысы құрамында алтын бар кенді заңсыз өндірумен және өңдеумен, сондай-ақ зергерлік бұйымдарды қолдан өндірумен айналысқанын дәлелдей алды. Жалған алтын зергерлік бұйымдар елдің базарлары мен зергерлік дүкендерінде сатылған", - деп хабарлады Бас көлік прокуратурасы.

Қылмыстық схеманы Ресей мен Украина азаматтарын тарта отырып, Қазақстан азаматы ұйымдастырған.

"Мемлекетке келтірілген залал 250 млн теңгені құрады. Сотталғандар әртүрлі мерзімге бас бостандығынан айырылды", - делінген хабарламада.

Үкім заңды күшіне енген жоқ.

Өзекті жаңалықтарды өз уақытында оқу үшін Facebook парақшамызға жазылыңыз!