"Күйеуіммен талқыладық". Аша Матай Нұрлан Еспановтың ұлының оқиғасына қатысты пікірін айтты
!["Күйеуіммен талқыладық". Аша Матай Нұрлан Еспановтың ұлының оқиғасына қатысты пікірін айтты](/userdata/news/news_102788/image_l.png)
Актриса, тележүргізуші Аша Матай НТК телеарнасындағы Taboo бағдарламасында әнші Нұрлан Еспановтың ұлы Олжас Еспановтың оқиғасына қатысты пікірін айтты, - деп хабарлайды Massaget.kz тілшісі.
"Естідім, оқыдым. Instagram-да шыққаннан кейін қарадым, көрдім, тіпті күйеуіммен талқыладық. Бұл баланы мен жақсы танимын, жақын танимын деп айта алмаймын, дегенмен бірнеше рет Нұрлан (Еспанов - ред.) ағаның қасында көрдім, ондай бір жаман қылықтарын байқаған емеспін, көрген емеспін. Нұрлан ағаның өзін де танимыз ғой енді, ол кісі де өте керемет жан, отбасын да, жұбайын танимыз деген сияқты. Сондықтан да білмеймін енді, бәлкім, ол подстава болуы мүмкін. Әртүрлі жағдайлар болады ғой негізі, бәлкім, ол қыздың жасаған қылығы болуы мүмкін, білмейміз ғой енді. Егер де қыз өз-өзін жақсы ұстаса, ол қызға ондай әңгіме жазылмас еді", - деді ол.
Аша Матай бұл тақырып тезірек жабылғанын қалайтынын, өйткені мұның отбасы үшін қиын жағдай екенін айтты.
"Ертең бізге, балаларымызға не болатынын білмейміз. Сондықтан да отбасы үшін, әрине, қиын жағдай. Бұндай жағдай болмаса екен деп ойлаймын. Тезірек бұл тақырып жабылып, ұмытылса екен деймін, себебі әр отбасы үшін хейт - қиын жағдай", - деді Аша Матай.
Еске салайық, бұған дейін Желіде әнші Нұрлан Еспановтың ұлы Олжас Еспанов қыздарға интим хат жазғаны туралы ақпарат тарады.
Кейін өзі оқиғаға қатысты мәлімдеме жасады.
"Бәріңіз мен туралы өсек соғып, бір-бірлеріңізге жіберіп болдыңыздар ма? Осындай қиын сәтте кімнің кім екенін білдік. Ер адам болған соң басыңа не келіп, не кетпейді?! Сынақ қой бәрі де. Қыздарға жазбай жүр екенмін ғой. Сіздерге біреудің шалынып құлағаны жетпей жүр екен ғой. Хейтерлерге жалынды сәлем. Алланың көзі тура болсын. Бұл өмірде қателік жасамайтын адам жоқ. Бәрі де қателеседі, себебі біз пендеміз", - деді ол.
Ол Сүлеймен Демирел университетінде қызмет еткен, осы оқиғадан кейін ол жұмыстан шығарылған.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
М. Лұқпан