Құрылтай депутаттары вице-президент лауазымына Ерлан Қаринді тағайындауға келісті, - деп хабарлайды Massaget.kz тілшісі.
Дауыс беру қорытындысы бойынша вице-президент лауазымына Ерлан Қариннің кандидатурасы депутаттардың басым дауысымен қолдау тапты.
Мемлекет басшысы вице-президент лауазымына ұсынылған кандидатураны қолдағаны үшін Құрылтай депутаттарына ризашылығын білдірді.
Еске салайық, бұған дейін Мемлекет басшысы вице-президентті жаңа шақырылымның алғашқы сессиясы басталғаннан кейін екі ай ішінде Құрылтайдың келісімімен тағайындауға тиіс екені хабарланды.
Бұл лауазымға бірқатар қатаң шектеу қойылады: вице-президентке кәсіпкерлікпен айналысуға, жұмысын басқа ақы төленетін қызметтермен қатар алып жүруге, депутаттық мандатқа ие болуға және партияларда мүше болуға тыйым салынады.
Instagram парақшамызға жазылып, ең қызықты ақпараттарды бірінші болып оқыңыз!
Ж. Қадыржанова