“Құрбандар мойындады“. Павлодар облысында балаларға көрсетілген зорлықтың жаңа деректері анықталды

Павлодар облысында балалар үйінің тәрбиеленушілері бала кезде жыныстық зорлық-зомбылық көргенін мойындады, - деп хабарлайды Massaget.kz тілшісі.

Павлодар облысының балалар құқықтары жөніндегі облыстық уәкілі Сәуле Шәкенова балалар үйінің кәмелетке толмаған тәрбиеленушілеріне көрсетілген зорлықтың жаңа деректері туралы баяндады. Оның айтуынша, биыл қарашада оқушы қыздардың жасалған зорлық қылмыстары ашылған.

"Балалар үйлері мен балаларды қолдау орталықтарының 105 тәрбиеленушісін толық медициналық тексеру барысында мамандар 10 мен 16 жас аралығындағы балалардың жыныс мүшесіне тиісу туралы 11 дерек анықтады. Оның ішінде 8 дерек соталды тергеулердің бірыңғай тізіліміне тіркелді. Соталды тергеу амалдары жүргізіліп жатыр, күдіктілер анықталып, қамауға алынды, қалған үш іс бойынша қылмыстық құқықбұзушылықтың бар-жоғы тексеріліп жатыр", - деді Шәкенова.

Павлодар облысының Бала құқықтары жөніндегі уәкілі де отбасында балаларға қатысты жыныстық зорлық-зомбылықтың екі дерегі анықталғанын хабарлады.

"Бұл заңсыз әрекеттер бірнеше жыл бұрын болған. Зорлық-зомбылық құрбандары балалар үйіне түспей тұрып, олардың аналарының сүйіктілерінің немесе өгей әкелерінің тарапынан жыныстық зорлық-зомбылыққа ұшырағанын мойындады. 11 қыздың екеуі балалар үйіне жіберілмес бұрын 16 жасқа толмаған жасөспірімдермен жыныстық қатынасқа түскенін айтты", - деп түсіндірді Шәкенова Tengrinews.kz тілшісіне.

Сәуле Шәкенова мамандандырылған мемлекеттік мекемелердің 16-17 жастағы оқушылары толық медициналық тексеруден өтуі керек деп санайды.

"Балалар үйлеріне негізінен тұрмысы нашар отбасылардың балалары түседі. Бұл санаттағы кәмелетке толмағандар арасында бала кезінде зорлық-зомбылыққа ұшыраған қыздар да болуы мүмкін, бірақ неге екені белгісіз, әлі жақ ашпайды", - деді Шәкенова.

Айта кетейік, Павлодар облысының прокуратурасы балалар үйлері мен ата-анасының қамқорлығынсыз қалған балаларға арналған мамандандырылған мекемелердің қызметін тексеру барысында 10-16 жас аралығындағы тәрбиеленушілерді міндетті медициналық тексеруден өткізуге бастамашылық еткенін растады.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!