Күннің қатты ысуына орай жұмыс күнін қысқарту ұсынылды
![Күннің қатты ысуына орай жұмыс күнін қысқарту ұсынылды](/userdata/news/news_108383/image_l.jpg)
Ауа райының ыстық болуы жұмыс істеудің тиімділігін нашарлатады. Әсіресе ашық аспан астында немесе климаттық бақылау жабдығы жоқ бөлмелерде жұмыс істейтіндер үшін қиын. Роспотребнадзор (Ресей - еск.) ауа температурасының жоғарылауы жағдайында сақталуға тиіс бірқатар ұсыныстарды еске салды, - деп хабарлайды Massaget.kz тілшісі Astana TV-ға сілтеме жасап.
Егер кондиционер болса, бөлме температурасын 24-25 градус деңгейінде болғаны жөн. Кондиционері жоқ жұмыс бөлмесіндегі температура 28,5 градус жетсе, жұмыс күнін бір сағатқа қысқартқан жөн; 29 градусқа дейін көтергенде - 2 сағатқа, ал бөлме 30,5 градусқа дейін қызған жағдайда - 4 сағатқа қысқартқан дұрыс.
"Дене қызып кетпеуі үшін (гипертермия) жұмыс режимін дұрыс ұйымдастыру қажет. Ашық аспан астында және 32,5 градус және одан жоғары температурада 15 - 20 минут істеп, кейін желдеткіші бар бөлмелерде кемінде 10 - 12 минут демалу керек", - делінген ведомствоның баспасөз қызметі таратқан хабарламада.
Ауызсу жеткілікті мөлшерде және қолжетімді жерде болуы керек. Ауызсудың, сусындардың, шайдың ұсынылатын температурасы +10 – 15 градус.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
С. Бөлек