Күн сайын майонез жесеңіз ағзаңызға не болады?
![Күн сайын майонез жесеңіз ағзаңызға не болады?](/userdata/news/news_92677/image_l.jpg)
Майонез - бұл көпшілік салат пен түрлі тағамға дәм беру үшін қосатын танымал тұздық. Дегенмен майонезді күн сайын тұтыну сіздің ағзаңызға кері әсер етуі мүмкін. Майонезді күнделікті жейтін адамның ағзасына не болатынын анықтайық.
Майонездің ағзаға әсері: нені білу керек?
Артық калория. Майонез құрамында май мен жұмыртқаның көп болуына байланысты ол калориялы өнім. Егер сіз оны көп мөлшерде тұтынсаңыз, артық салмақ қосуға әкелуі мүмкін.
Май. Майонезде қандағы "жаман" холестерин деңгейін жоғарылататын және жүрек-қан тамырлары ауруларының қаупін арттыратын қаныққан және транс майлар бар.
Тұз. Майонезде көбінесе тұз көп болады, бұл қан қысымының және гипертония қаупінің жоғарылауына әкелуі мүмкін.
Қоспалар. Дүкеннен сатып алынған майонездің көптеген түрінде денсаулыққа кері әсер ететін қоспа, консервант және жасанды хош иіс бар.
Әртүрлілікті жоғалту. Майонезді үнемі тұтыну сіздің ас мәзіріңіздегі әртүрлілікті шектеуге әкеледі, өйткені ол пайдалы және қоректік тұздық пен дәмдеуіштерді алмастырады.
Жеке төзімсіздік. Кейбір адамдар майонез компоненттеріне аллергиялық реакция немесе төзімсіздікті сезінуі мүмкін.
Майонез пайдалы ма?
Майонез ақылға қонымды мөлшерде тұтынылса, ағзаға белгілі бір пайда әкеледі. Майонездің бірнеше жағымды жағы:
Энергия көзі. Майонездегі калория мен май оны энергия көзі етеді. Сондықтан оны қалыпты мөлшерде тұтыну денеңіздің энергия деңгейін бірқалыпта ұстап тұруға көмектеседі.
К дәрумені. Майонез сүйек саулығы мен қанның ұюы үшін маңызды К витаминінің көзі.
Оңай қолжетімді майлар. Майонез құрамында кейбір дәрумендерді (A, D, E, K) сіңіру және зат алмасу үшін маңызды майлар бар.
Дәмі мен құрылымы. Майонез тағамды жеуге жағымды етуге көмектесетін ерекше дәм береді.
Майонезді қалыпты мөлшерде тұтыну, әсіресе оны үйде табиғи өнімдерден дайындап, сақтау шарттарын сақтасаңыз, ол ағзаға қауіпсіз болатынын есте ұстаған жөн.
Дегенмен майонезді күн сайын көп мөлшерде жеу сіздің денсаулығыңызға теріс әсер етеді. Тамақтанудың әртүрлілігі және пайдалы баламалар теңдестірілген тамақтануға және денсаулықты сақтауға көмектеседі.
Тағы да оқи отырыңыздар: Сәрсенбі күні қандай адамдар дүниеге келеді?
Instagram парақшамызға жазылып, ең қызықты ақпараттарды бірінші болып оқыңыз!
Б. Жұмаділлә