Күн сайын баспалдақпен жаяу көтерілсе не болады?
![Күн сайын баспалдақпен жаяу көтерілсе не болады?](/userdata/news/news_89682/image_l.jpg)
Өз қабатыңызға күнделікті баспалдақпен көтерілу, сіздің физикалық жағдайыңызды бен денсаулығыңызды жақсартуға көмектесетін тиімді әдетке айналуы мүмкін. Massaget.kz тілшісі осындай қарапайым әрекет қандай нәтиже мен пайда әкелетінін зерттеп көрді.
Жоғарғы қабатқа баспалдақпен көтерілу денсаулыққа қалай әсер етеді
Физикалық артықшылықтары:
1. Жүрек-тамыр жүйесін нығайту. Баспалдақпен көтерілу жүрек-тамыр жүйесін нығайтуға көмектесетін кардио жаттығу. Бұл қан айналымын жақсартып, төзімділікті арттырады және жүрек-қан тамырлары ауруларының қаупін азайтуға көмектеседі.
2. Артық калориялардан құтыласыз. Баспалдақпен көтерілу көп күш жұмсауды қажет ететіндіктен, калориялардан құтыла аласыз. Бұл салмақты бір орында сақтап, фигураны жақсарту үшін пайдалы болуы мүмкін.
3. Дененің төменгі бөлігін күшейту. Баспалдақпен көтерілу жамбас және бөксе бұлшықетін күшін нығайтады. Бұл денеңіздің төменгі бөлігін тонуста сақтауға көмектеседі.
4. Төзімділікті жақсарту. Үнемі баспалдақпен көтерілу физикалық төзімділікті жақсартады. Тыныс алуыңыз біркелкі болып, физикалық белсенділік кезінде бұрынғыдай шаршамайсыз.
Психологиялық артықшылықтар:
1. Көңіл-күйіңіз көтеріңкі болады. Физикалық белсенділік бақыт гормоны, яғни эндорфиндердің жұмысының жақсаруына ықпал етеді. Баспалдақпен көтерілу көңіл-күйді жақсартып, стресс пен мазасыздық деңгейін төмендетеді.
2. Энергияңыз артады. Тұрақты физикалық жаттығулар сіздің энергияңызды арттырады, нәтижесінде шаршамай, сергектік пен белсенділікті сезінесіз.
Баспалдақпен көтерілу кезінде қандай бұлшықеттер жұмыс істейді?
- Квадрицепстер. Бұл жамбастың алдыңғы бөлігіндегі бұлшықеттер. Олар келесі қадамға көтерілгенде белсенді жұмыс істеп, аяқты көтеруге көмектеседі.
- Жамбас. Жамбастың артқы және ішкі бөліктері де қозғалысқа қатысады. Аяғыңызды көтеру оңайға түседі.
- Бөксе бұлшықеттер. Олар өзіңізді жоғары итеру кезінде белсенді жұмыс істеп, көтерілу кезінде күш пен тұрақтылықты қамтамасыз етеді.
- Балтыр бұлшықеттер. Аяқтың артқы жағында орналасқан бұл бұлшықет баспалдақпен көтерілген кезде жиырылады.
- Пресс. Іш бұлшықеттері тепе-теңдік пен тұрақтылықты сақтау үшін баспалдақпен көтерілген кезде белсенді жұмыс жасайды.
- Арқа. Сіздің арқа бұлшықеттеріңіз қозғалыс кезінде тұрақтылықты және дененің тік күйін сақтайды.
- Иық бұлшықеттері. Олар көтерілу кезінде қолдың қозғалысы мен тепе-теңдікті сақтауға қатысады.
Баспалдақпен көтерілуді қалай әдетке айналдыруға болады:
- Асықпаңыз. Егер сіз физикалық белсенділікке үйренбеген болсаңыз, күніне 1-2 рет аздап, баяу қарқынмен көтерілуден бастаған жөн.
- Әртүрлі мүмкіндіктерді пайдаланыңыз. Егер сізде лифт пен баспалдақ арасында таңдау болса, әрқашан баспалдақпен жүріңіз.
Керекті қабатқа баспалдақпен көтерілу - сіздің физикалық және психологиялық денсаулығыңызға кішкентай болғанымен, көптеген пайда әкеледі. Аз жүктемеден бастап, қарқындылықты біртіндеп қосқаныңыз абзал.
Instagram парақшамызға жазылып, ең қызықты ақпараттарды бірінші болып оқыңыз!