"Құда болатынын айтып, 1 миллион ұсынды". Алматы тұрғынын шипажайда массаж қызметкері зорлаған
!["Құда болатынын айтып, 1 миллион ұсынды". Алматы тұрғынын шипажайда массаж қызметкері зорлаған](/userdata/news/news_71045/image_l.jpg)
Алматының 52 жастағы тұрғынына санаторийде жұмыс істейтін массажист зорлық-зомбылық жасаған. Бұл туралы НеМолчи.kz қоры мәлімдеді, - деп хабарлайды Massaget.kz тілшісі.
Қордың мәліметінше, 52 жастағы әйелге санаторийге жолдаманы жұмыс орны берген. Сеанстың екінші күні массажист оның қол-аяғын байлап, аузын жауып, қарсыласқанына қарамастан зорлаған.
Посмотреть эту публикацию в Instagram
Зорланған әйел қатты қорыққаннан үндемей кетіп қалған. Есін жиғаннан кейін келесі күні массажистің бұл әрекетін өзінен сұрайды. Шипажай маманы өзін ұстай алмай қалғанын айтып, кешірім сұрайды. Оның бұл сөзін диктофонға жазып алған әйел шипажай басшысына шағымданады. Артынша, күдікті әйелге үндемеуі үшін 1 миллион теңге ақша ұсынады. Өзінің жақында құда болатынын айтып, ұятты тірлігі үшін қымсынатынын жеткізген. Бірақ қорлық көрген әйел полицияға арызданған.
"2022 жылдың 1 шілдесі Панфилов ауданының полиция бөліміне Алматының 52 жастағы тұрғынынан арыз түсті. Жәбірленуші төрт күн бұрын өзі демалған жергілікті санаторийлердің бірінде массаж қызметкерінің тарапынан зорлық көрсетілгендігін хабарлады.
Полиция ҚР ҚК 120-бабы (Зорлау) бойынша қылмыстық істі тіркеп, заң шеңберінде қажетті сараптамалар тағайындады. Күдікті деп танылған 55 жастағы ер адам зорлау дерегін жоққа шығарып, қарым-қатынас екеуара келісіммен болғандығын айтты.
Аталған дерек бойынша толық көлемде тергеу жұмыстары жүргізілді. Тергеу нәтижесінде, күдіктінің әрекеттерінде қылмыстық құқық бұзу құрамының болмауына байланысты 4 тамыз қылмыстық істі тоқтату туралы шешім қабылданды. Шешім Панфилов аудандық прокуратурасымен бекітілді", - деп мәлімдеді Жетісу облысының Полиция департаментінің баспасөз қызметі.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
Г. Досымшалова