"Құбыжық деп ойлаған". Ер адамдар итті қатыгездікпен өлтірген
!["Құбыжық деп ойлаған". Ер адамдар итті қатыгездікпен өлтірген](/userdata/news/news_70082/image_l.jpg)
Самарқанд облысы ауылдарының бірінде тұрғындар ауру итті аяусыз өлтірген. Олар оны құбыжық деп ойлаған, - деп хабарлайды Podrobno.uz.
"Самарқанд облысы Ургут ауданы Испанза ауылында түсірілген видеода бір топ ер адам әбден азып-тозған жануарды күліп тұрып өлтіреді. Қатыгездікпен жасалған оқиғаның көріністері видеоға түсірілген. Олар заңды мемлекетте өмір сүріп жатқанын, онда жануарларды азаптау, өлтіру заңмен қудаланатынын ескермеген", - деп атап өтті зоотехниктер.
Видео әлеуметтік желілерде үлкен резонанс тудырған. Жүздеген адам ауыл тұрғындарының іс-әрекетіне наразы болған. Басылым мәліметінше, бұл құбыжық емес, демодекоз жұқтырған ит екен.
Демодекоз - кене шамадан тыс көбеюінен туындайтын, жиі кездесетін ауру. Емдемесе, иттің терісі түгел түседі.
Ж. Қадыржанова