"Кіші қызым айтты". Алматы облысында әкесінен зорланған қыздардың анасы сұхбат берді
!["Кіші қызым айтты". Алматы облысында әкесінен зорланған қыздардың анасы сұхбат берді](/userdata/news/news_84528/image_l.jpg)
Алматы облысында жағаұстатар жағдай болған еді. Ер адам туған қыздарын зорлады деген күдікке ілінді. Қыздардың анасы осы жайт туралы айтып берді, - деп хабарлайды Massaget.kz тілшісі Еуразия арнасына сілтеме жасап.
Телеарна мәліметінше, қыздардың анасы бұл жағдай туралы ертерек айтқысы келген. Бірақ басқа балалары үшін қорыққан.
"Бұл туралы маған кіші қызым айтты. Бұл шілдеде еді. Ол жылап отырды. "Не болды?" десем, "әкем тиісті" дейді. Сенбедім. "Қалай? Қалай ғана болуы мүмкін?" дедім. "11 жасымда болды" деді. "Неге үндемедің, неге айтпадың" деп сұрадым. "Қорықтым, қоқан-лоқы жасады" деді. Сол кезде айтса, бұлай қалдырмас едім", - деді қыздардың анасы Раиса (есімі өзгертілген - еск.)
Қазір тиісті сараптама тағайындалған. Жәбірленуші қыздар соталды тергеу жүргізу кезінде полицейлердің қорғауына алынған. Ал күдікті уақытша ұстау изоляторына қамауға алынды.
Еске салайық, бұған дейін Алматы облысында ер адам екі қызын зорлады деген күдікке ілінгені хабарланған еді.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
Ж. Қадыржанова