"Қойдың сорпасы, түймедақ шайы". Дәрігер иммунитетті көтеретін тағамдарды ұсынды
!["Қойдың сорпасы, түймедақ шайы". Дәрігер иммунитетті көтеретін тағамдарды ұсынды](/userdata/news/news_86720/image_l.jpg)
Фото:
pixabay.com
Невролог Ұлжалғас Сманова өзінің инстаграм парақшасында иммунитетті көтеретін тағамдарды атады, - деп хабарлайды Massaget.kz тілшісі.
Дәрігердің айтуынша, иммунитет мына жағдайларда әлсірейді:⠀
- Суды аз ішсе;
- Фастфуд пен тәтті суларды көп ішсе;
- Күйзелісте жүрсе;
- Ұйқы бұзылса;
- Жаман әдеттерге бейім болса (алкоголь, темекі, кальян және т.б);
- Аз қозғалыс;
- Ағзада зат алмасудың бұзылуы және т.б.
Ұлжалғас Сманова иммунитетіңіз салқынды да, инфекцияны да көтере алмай, жиі сырқаттанып қала беретін болсаңыз, мына әдістерді қолдануға шақырды:
- Лимонды күн сайын қолдануға тырысыңыз. Себебі құрамындағы С дәрумені суықты алып, бос радикалдарды өлтіреді;
- Сарымсақтың иісінен қанша қашсаңыз да, ол тамақтың дәмін келтіреді. Құрамындағы аллицин ағзаны залалсыздандырып, микробтарды жояды;
- Зімбір қанайналымды және зат алмасуды жақсартады. Оны шайға қосып ішсеңіз, артық салмақтан арылтады және жүрек ауруларының алдын алады. Зімбірді күнделікті жеген адамның ағзасында бактерия азайып, иммунитеті күшейеді;
- Иммунитетті күшейтетін дәрумендердің бірі - В6 және С дәрумендері. Мысалы, алмадағы дәрумен талшықтары дененің қабынуын басады, вирус, паразит, суық тиюге қарсы иммунитетті күшейтеді;
- Сахароза қоректік заты мен С, В дәрумендері және р-каротин денсаулыққа өте пайдалы. Жиі ауыра бастасаңыз, С дәрумені, магний, басқа да микроэлементтері көп тағамдар жеңіз. Мысалы: киви, апельсин. Балаларға аз-аздан беріп көріңіз, себебі олар аллергия беруі мүмкін;
- Бананның құрамындағы минералдар мен дәрумендер асқазан-ішек жолдарына пайдалы. Тек қатты жөтеліп жүрсеңіз немесе қақырық болса, оны аз жеңіз;
- Жүзімнің құрамында кальций, калий, фосфор, темір және В1, В2, В6, С, Р дәрумендері бар. Пайдалы аминқышқылдар асты қорытып, көкбауыр мен асқазан қызметін нығайтып, жүйкеңізді жақсартып, шаршағанды басып, миды тыныштандырады.
- Түймедақ шайын ішсеңіз, ауырсынуды азайтып, қабынуды кетіреді.
- Ал суық тию кезінде ең жақсы көмектесетін тағам - сөзсіз, қой сорпасы. Мыңнан бір ем деп осыны айтады.
Посмотреть эту публикацию в Instagram
Бұл тағамдар рационыңызда болса, аурудан аман шығып, оны жеңіл өткересіз.
Еске салайық, бұған дейін денсаулыққа пайдалы сүйек сорпасын қалай дайындау керегін жазған болатынбыз.
А. Жапатова