Қостанайда полицейлер екі көлік ұрлығын ізін суытпай ашты

21 жастағы күдікті түнде Volkswagen көлігін қаланың шағынаудандарының біріндегі үйдің ауласынан ұрлап кеткен, - деп хабарлайды Massaget.kz тілшісі.

Кілт көліктің ішінде болғандықтан, ұрлық жасау оған қиындық тудырмаған. Қаланың солтүстік бөлігіне жеткенде патрульдік полицияның қызметтік көлігін көре сала жүргізуші күмән тудыратын маневр жасап, содан кейін жарық бағанына соғылған.

Тексеру барысында полицейлер жүргізушінің көлік басқару куәлігі жоқ екенін және одан алкогольдің иісі шыққанын анықтады. Медициналық куәландыру мас болудың жеңіл дәрежесін көрсетті.

Көлік иесі тіпті оның мүлкі ұрланғанын байқамаған. Бұл туралы оған полиция қызметкерлері хабарлады. 

Автокөлікті заңсыз иемдену фактісі бойынша сотқа дейінгі тергеу басталып, тергеу жүргізілуде. Сонымен қатар жүргізуші куәлігінсіз мас күйінде көлік жүргізгені үшін сот құқықбұзушыға 20 тәулік қамауға алуды тағайындады. Көлік тергеу кезінде мамандандырылған тұрақта болады.

ВАЗ 2110 көлігін басқарған 37 жастағы екінші жүргізушіні де полиция қызметкерлері құрықтады. Құжаттарды тексеру кезінде полицейлер оның көлік басқару құқығынан айырылғанын анықтады. Сонымен қатар оның медициналық куәландыруымен мас болудың жеңіл дәрежесі анықталды.

Тексеру барысында тергеу нәтижесінде бұл автокөлікті Меңдіқара ауданының Қасқат ауылынан ұрлап кеткені белгілі болды. Көлік иесі оны жөндеуге берген, бірақ басқаруға рұқсат бермеген.

Мас күйінде және жүргізуші куәлігінен айырылса да автокөлікті басқару, сондай-ақ көлік ұрлау фактісі бойынша бірден екі сотқа дейінгі тергеу басталды.

Бірінші қылмыстық құқықбұзушылық үшін 2 жылға дейін бас бостандығынан айыру, екіншісі үшін 5 жылға дейін бас бостандығынан айыру және өмір бойы жүргізуші куәлігінен айыру қарастырылған.

Ұрлаудың себептері әртүрлі болуы мүмкін: дүкеннің жанында қалдырылған жабылмаған көлік немесе бейнебақылау жүйесі жоқ жарықтандырылмаған жерлерде тұраққа қою. Полиция қызметкерлері автокөлік иелерін мұқият және өз мүлкіне ие болуға шақырады.

Қызықты жаңалықтар мен видеоларды көру үшін TikTok арнамызға жазылыңыз!