Қостанай облысында теміржол өткелінде жол апаты болды: қаза тапқандар бар
![Қостанай облысында теміржол өткелінде жол апаты болды: қаза тапқандар бар](/userdata/news/news_69284/image_l.jpg)
Фото:
Тұрар Қазанғапов
Қостанай облысында теміржол өткелінде жол апаты болды, - деп хабарлайды Massaget.kz "Қазақстан темір жолы" АҚ баспасөз қызметіне сілтеме жасап.
11 шілдеде сағат 14.35-те Қостанай облысының Тобыл-Құсмұрын учаскесіндегі Тобыл станциясының теміржол өткелінде жол апаты болған.
Куәгерлердің айтуынша, "Жигули" автокөлігінің жүргізушісі алдында тұрған көліктерді айналып өтіп, келе жатқан жүк пойызының алдына, теміржолға шығып кеткен. "Алау" порталының мәліметінше, жол апаты салдарынан жүргізуші мен 40 жастағы жолаушы оқиға орнында қаза болған.
Пойыз сағатына 57 шақырым жылдамдықпен келе жатқан.
"Қазақстан темір жолы" ҰК" АҚ-да оқиғаның себептері мен мән-жайын тексеру үшін комиссия құрылған.
Ж. Қадыржанова