Қостанай облысында екі күн бұрын жоғалған әйел айдаладан табылды

ТЖМ қызметкерлері Қостанай облысында екі күн бұрын жоғалған әйелді іздеп тапты, - деп хабарлайды Massaget.kz тілшісі.

Жангелдин ауданында 2000 жылы туған әйелді іздеу жұмыстары сәтті аяқталды, ол 8 қаңтар күні кешке үйінен белгісіз бағытқа кетіп қалған.

Жоғалған адамды құтқарушылар айдаладан тауып алды. 

Құтқарушылар оны жылы көлікке отырғызып, ыстық шай беріп, жылынуға көмектесті.

"Әйел жедел жәрдем дәрігерлеріне тапсырылып, Торғай ауылының ауруханасына жеткізілді. Іздестіруге құтқарушылар, полиция, ЖАО күштері, сондай-ақ кинологиялық жасақтар тартылды", - деп хабарлады Төтенше жағдайлар министрлігі.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!