Қостанай облысында аңшылық алқаптар мемлекетке қайтарылды

Қостанай облысының табиғатты қорғау прокуратурасы мемлекетке аңшылық алқаптарды қайтарды, - деп хабарлайды Massaget.kz тілшісі.

Қостанай облысының табиғатты қорғау прокуратурасы тексеру барысында 2011 жылы "Сильвер СК" ЖШС-не Қамысты ауданының аумағында 212 мың гектар алқапты аңшылық шаруашылығын жүргізуге құқық бергені анықталды.

Бұдан әрі Жоғарғы Соттың 2022 жылғы 22 қарашадағы шешімімен "Сильвер СК" ЖШС банкрот деп танылған және толыққанды қорықшылық қызметті ұйымдастыру үшін ресурстары болмаған.

Алайда, уәкілетті орган тарапынан жерді мемлекет қарамағына қайтару жөнінде шаралар қабылдамаған.

Прокурорлық қадағалау актісі бойынша аңшылық шаруашылығын жүргізуге арналған шарт бұзылып, кінәлі тұлғалар тәртіптік жауапкершілікке тартылды.

Аптаның басты оқиғалары мен пайдалы видеоларды көру үшін YouTube арнамызға жазылыңыз