Қостанай облысында алаңда көпіршік шашылып, кәмелетке толмаған қызды ток соққан, - деп хабарлайды Massaget.kz тілшісі.
Бұл жайлы видео әлеуметтік желіде пайда болды.
Бұл дерекке қатысты Қостанай облыстық Полиция департаменті өкілдері пікір білдірді. ПД мәліметінше, көпіршік кешінде кәмелетке толмаған баланы ток соққан.
"Полиция бұл дерек бойынша соталды тергеуді бастады. 25 тамызда Ұзынкөл ауылында 9 жастағы қызды ток соққан. Оқиға орнында жедел медициналық көмек көрсетілді. Кәмелетке толмаған қыз аудандық ауруханаға жеткізілді", - делінген Полиция департаментінің Massaget.kz тілшісіне берген жауабында.
Соталды тергеу Қылмыстық кодекстің 306-бабы 2-тармағы (Қауiпсiздiк талаптарына сай келмейтін тауарларды шығару немесе сату, жұмыстарды орындау не қызметтер көрсету) бойынша жүргізіліп жатыр. Полиция департаментінің өкілдері бұл дерек бойынша тергеу шаралары жүріп жатқанын, қажет сараптамаа тағайындалғанын атап өтті.
Аптаның басты оқиғалары мен пайдалы видеоларды көру үшін YouTube арнамызға жазылыңыз