Қостанай әуежайына Ахмет Байтұрсынұлының есімі берілді
![Қостанай әуежайына Ахмет Байтұрсынұлының есімі берілді](/userdata/news/news_68809/image_l.jpg)
Қостанайдағы халықаралық әуежайға ресми түрде Ахмет Байтұрсынұлының есімі берілді. Бұл туралы ҚР премьер-министрінің жаңа қаулысында айтылған, - деп хабарлайды Massaget.kz.
"Қостанай" халықаралық әуежайы" акционерлік қоғамына Ахмет Байтұрсынұлының есімі берілсін", - делінген құжат мәтінінде.
Қаулы алғашқы ресми жарияланған күннен бастап қолданысқа енеді.
Ахмет Байтұрсынұлы - қазақтың ақыны, әдебиет зерттеуші ғалым, түркітанушы, публицист, педагог, аудармашы, қоғам қайраткері. Қазақ халқының XX ғасырдың басындағы ұлт-азаттық қозғалысы жетекшілерінің бірі, мемлекет қайраткері, қазақ тіл білімі мен әдебиеттану ғылымдарының негізін салушы ғалым, ұлттық жазудың реформаторы, ағартушы, Алаш-Орда өкіметінің мүшесі.
Ж. Қадыржанова