Алматыда танымал қазақстандық аспаз, керемет кештердің ұйымдастырушысы болған Бага Демалыспен қоштасу кеші өтті, – деп хабарлайды Massaget.kz тілшісі.
Шоу-бизнес өкілдері арасында аты аңызға айналған қазақтың атақты аспазы 28 жасында қайтыс болды.
Оны ақтық сапарға шығарып салу кеші қайғылы атмосферада емес, өзі қалаған, аманаттап кеткен форматта өтті.
Қоштасу кешінде музыка, би, ашық әңгіме және дәмді тағамдар болды. Say Mo, ARShAT, HIRO, Moldanazar, Куанышбек Нұрғазы, De Lacure импровизацияланған сахнада өнер көрсетті. Сонымен қатар Баганың құнды заттары аукционға қойылды. Жиналған қаражат оның отбасына көмек ретінде берілді.
Айта кетейік, Бага 28 жыл ғұмырында шығармашылық, сән мен клуб индустриясының және шоу-бизнес өкілдерін біріктірді, рецептерімен түрлі тәжірибе жасағанды ұнататын.
Қызықты жаңалықтар мен видеоларды көру үшін TikTok арнамызға жазылыңыз!