Көршілер көрпе жайып қағып алған: Астанада 2 жасар қыз үшінші қабаттан құлап кетті

Астанада 2 жасар қыз үшінші қабаттан құлап аман қалған, - деп хабарлайды Massaget.kz тілшісі ТЖМ баспасөз қызметіне сілтеме жасап. 

6 мамырда Астанада Байтұрсынов 37 көшесінде 2021 жылғы бала ересектердің қарауынсыз қалып, 7 қабатты тұрғын үйдің 3-қабатынан құлап кеткен. Анасы үлкен баласымен тіс дәрігерінде болған кезде үйде отырған әкесі баланың терезені ашып, сыртқа қалай шығып кеткенін байқамай қалған.

"Бұл уақытта көршілер сыртта құлайын деп тұрған баланы уақтылы көріп қалып, көрпе жайып баланы қағып алған. 2 жасар қыз ауруханаға жатқызылды, оның жағдайы орташа дәрежеде", - делінген хабарламада.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!