“Қорқытып телефонымды тартып алды“. Көкшетауда бопсалаушылар ұсталды

Көкшетау тұрғынын бопсалағандар ұсталды, - деп хабарлайды Massaget.kz тілшісі.

14 желтоқсанда Көкшетау қаласының полиция басқармасына жергілікті тұрғын бопсалау туралы өтінішпен жүгінді. Оның айтуынша, 13 желтоқсанда сағат 21:00 шамасында оған шабуыл жасаған.

Белгісіз адамдар оған дене жарақатын салып, бопсалап, Samsung телефонын тартып алған. Келтірілген залал сомасы - 160 мың теңге.

Ұйымдасқан қылмысқа қарсы күрес басқармасы мен жедел қызмет қызметкерлері күдіктілерді тез арада анықтады.

"Олар - облыс орталығының 19-22 жас аралығындағы үш тұрғыны. Полиция басқармасы осы дерек бойынша соталды тергеп-тексеруді бастады", - деп жазылған хабарламада.

ІІМ осындай қылмыстарға байланысты азаматтарға маңызды ескерту жасады:

• қоғамдық орындарда қырағы болу;
• қараңғы жерлерден аулақ болу, әсіресе кешке;
• материалдық жағдайыңызды жарнамаламаңыз: ақшаны, қымбат гаджеттерді немесе зергерлік бұйымдарды көрсетпеуге тырысыңыз;
• бейтаныс адамдармен қарым-қатынас жасағанда абай болыңыз.

Еске салайық, бұған дейін СҚО-дағы колледжде 1-курс студенттерінен ақша бопсалаған адам ұсталғаны хабарланды. 

Аптаның басты оқиғалары мен пайдалы видеоларды көру үшін YouTube арнамызға жазылыңыз