Қорқытып, ақша бопсалаған. Ақтөбеде бір топ студенттер ұсталды

Ақтөбеде полицейлер ақша бопсалады деген күдікпен бір топ жастарды ұстады, - деп хабарлайды Massaget.kz тілшісі 

Бұл туралы Polisia.kz Telegram-арнасы хабарлады.

"Ақтөбе оқу орындарының бірінің үш студенті ұсталды. Олар 18 жастағы екі жәбірленушіні қорқытып, 100 мың теңгеге жуық қаражат бопсалаған", - делінген хабарламада.

Бопсалау фактісі бойынша сотқа дейінгі тергеп-тексеру жүргізіліп жатыр. Ұсталғандар кінәсін мойындап, күдіктілер уақытша ұстау изоляторына қамалды.

"Полиция оқу орындарындағы қылмыс фактілеріне уақытылы ден қоюдың маңыздылығына мән беріп, жастар арасында қауіпсіздікті қамтамасыз ету бойынша жұмысты жалғастырды", - деп қосты полиция. 

Еске салайық, бұған дейін Қостанайда қоғамдық көлікте болған жанжалға қатысты күдіктіні полиция ұстағанын жазған едік. 

Өзекті жаңалықтарды өз уақытында оқу үшін Facebook парақшамызға жазылыңыз!