Қонаевта үш күн газ беру тоқтатылады

Қонаевта 20-23 тамыз аралығында газ беру тоқтатылады, - деп хабарлайды Massaget.kz тілшісі.

Мұны "Қапшағай аумағының газ желілері" ЖШС мәлімдеді.

Мекеменің ақпаратына сәйкес, бұл жұмыстар Абай көшесінің жолын жөндеумен қатар, үлкен қысымды газ желісін жаңғыртумен байланысты болып отыр. Газ құбырының жаңа желісін қолданыстағы желіге ажыратусыз қосуға мүмкіндік жоқ.

Үш күн бойы №1,2,3,4,5, Восточный, Гүлдер, Спутник, Арна, Рауан, № 18,19,20 ш/а-да және Железнодорожная көшесінде көгілдір отын беру тоқтатылады немесе кей аудандарда газ қысымы төмендеуі мүмкін.

"Көгілдір отынды көп уақыт жоғалтпай қосуға тырысамыз. Уақытша ыңғайсыздықтарға түсіністікпен қарауларыңызды сұраймыз", - деп жазды мекеме өкілдері.

Аптаның басты оқиғалары мен пайдалы видеоларды көру үшін YouTube арнамызға жазылыңыз