“Көмектеседі деп сенемін“. Әнші Әли Оқапов қандай дертке шалдыққанын айтты

Танымал әнші Әли Оқапов әлеуметтік желідегі парақшасында өзіне дисфония диагнозы қойылғанын айтты, – деп хабарлайды Massaget.kz тілшісі.

Халық әртісі Роза Рымбаеваның ұлы Әли Оқаповқа қойылған диагноз ән орындау кезінде дауыстың қарлығуына себеп болуы мүмкін. 

Әлі Оқаповтың айтуынша, бұл дертпен 5 жыл бойы күресіп келеді екен. Әнші дауысының нашарлауы стресс пен шамадан тыс шаршағанның кесірінен болғанын айтады. 

"Қандай жағдай болмасын, мен өзіме сенемін және жаттығулар көмектеседі деп үміттенемін", – деп жазды ол. 

Қарлығу, дисфония – дауыстың бұзылуы, бәсеңдеуі. Бұл – көмекейдің өткір, созылмалы аурулары салдарынан дыбыс жалғамаларының зақымдалуымен аяқталатын әртүрлі кеселдер.

Еске салайық, қазір Әли Оқапов "Жұлдызды жұп" бағдарламасына қатысып жатыр. Оның жобадағы серігі – танымал актриса Фариза Ескермес. 

Instagram парақшамызға жазылып, ең қызықты ақпараттарды бірінші болып оқыңыз!