"Қолын көйлегімнің ішіне салып жіберді". Шымкент тұрғынына белгісіз ер адам тиіскен

Шымкент тұрғыны Маргарита Тұяқбаеваға дүкеннен қайтып келе жатқанда үйінің кіреберісінде белгісіз ер адам шабуыл жасаған, - деп хабарлайды Massaget.kz тілшісі Еlitar.kz-ке сілтеме жасап. 

"Мен дүкеннен шықтым, бір қолымда үлкен ауыр пакет, екінші қолымда телефон болды: маған жұмыстан хабарламалар келді, жауап беруім керек. Мен үйдің кіреберісіне кіргенде артымнан бір жігіт кірді. Мен оған назар аудармадым. Жангелдин көшесінде жалға берілетін пәтерлер аз емес, бұл көрші шығар деп ойладым. Оның үстіне, ол мені басып озды да, алға ұмтылып, кілт іздеп жүргендей кейіп танытты. Ештеңеден күдіктенбестен, мен бесінші қабатыма көтерілдім, ол төртінші қабатта тоқтады, мен бір-екі адым жоғары көтерілгенімде, ол кенет мені қуып жетіп, қолын көйлегімнің ішіне салып, мені сүйгісі келді", - дейді кейіпкер.

Кенет шабуылшы қашып кеткен. Рита оны не қорқытқанын білмейді. 

"Шокта болды, бұрылып едім, ол мені жіберді. Құдайға шүкір, ол мені зорламады, ұрлап кетпеді, ұрмады, айқайладым, ол қаша жөнелді. Есеңгіреп қалғаным сонша, оны телефонға түсіруді ойламадым, мен қорыққаннан қатып тұрдым. Ол да оны суретке түсіру мүмкін болмайтындай тез жүгірді. Бұл оқиғаны шымкенттік қыздар сақ, қырағы болсын деп айтып отырмын. Сондай-ақ, мен жабысып тұрған не ашық-шашық киінбедім атап өткім келеді, өйткені бізде кінәлауды ұнатады. Менің көйлегім жабық және тізеден төмен болды, мен ешкімге тиіспей, тапа-тал түсте үйге тыныш келе жаттым", - дейді Маргарита.

Оның айтуынша, кіреберісте бейнебақылау камералары жоқ, ал өзі шабуыл жасаған ер адамды дұрыс есіне түсіре алмаған.

"Шабуыл жасаған жігіттің бойы шамамен 1,75, арық және джинсы шалбар киген және көк жейде киген 30-31 жас шамасындағы жігіт. Менің есімде қалғаны осы", - дейді ол.

Маргарита жігіттің түрін есіне түсірмегендіктен полицияға арыз жазбайтынын айтады. Офицерлер "қылмыс құрамы жоқ" деп айтатынына сенімдімін, өйткені бұл құқық қорғау қызметкерлерінің ең көп тараған жауабы. Дегенмен ол қала тұрғындарын сақ болуды сұрайды.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!